زيارتي لقصر المصمك في العاصمة الرياض)
خدمة تطوعية ببريدة
عدد مرات النقر : 2,432
عدد  مرات الظهور : 4,564,456
خدمة تطوعية ببريدة
عدد مرات النقر : 2,801
عدد  مرات الظهور : 3,474,872

إستعادة كلمة المرور طلب كود التفعيل تفعيل العضويه اضفنا للمفضله ( تنبيه هــام جـداً ) باحث قوقل للبريـة

العودة   منتديات البرية > الـــعـــدد والأدوات والتجهيزات > منتدى السيارات وتجهيزاتها

تجربتي مع ورشة سوافي ...! ( تحذير تحذير ) ..

منتدى السيارات وتجهيزاتها


رد
 
أدوات الموضوع طرق مشاهدة الموضوع
قديم 2010-11-28, 06:40 PM   #1
خيال الشقراء
عضو نشيط
 
الصورة الرمزية خيال الشقراء
 
تاريخ التسجيل: Oct 2010
المشاركات: 115
افتراضي تجربتي مع ورشة سوافي ...! ( تحذير تحذير ) ..

بعد مرور شهر على طرح الموضوع
تم التوصل لخلاصة وزبدة الموضوع في الردود التالي

1 -
رد اخينا ابوتميم صفحة 11 رد رقم 108
وهذا رابط رده وصول مباشر
http://www.albreah.com/vb/295819-post108.html

2 -
رد اخينا الخبير دحومي صفحة 13 رد رقم 122
وهذا رابط الرد وصول مباشر
http://www.albreah.com/vb/309157-post122.html


يجب الإطلاع عليه كما نشكر بقية الأخوة الذين طرزوا الموضوع بردودهم

للفائدة حرره المدير العام


//


السلام عليكم ورحمة الله وبركاته ...

اعتذر عن غيابي الطويل لكن لظروف السفر

ووالله لكم وحشه يارجال

نخش في الموضوع على طول ...

اليوم كانت تجربتي مع ورشة سوافي التي اثبتت لي نظرية ان نسبة كبيره من شبابنا وللاسف اذا نجح واشتهر وفتح الله باب رزقه تنكر للعملاء وبدت بضاعته تخرب وبدى يجيب اردى الصناعات لانه ضمن الزباين

انا سمعت عن ورشة سوافي الكثير والكثير وكل من سالته وش رايك وين اركب البطاريات الاضافيه قالي سوافي اتصلت على احد الشباب يعرف مكانها ودلني عليها وهي بمخرج 18 تتجه شرق واول ماتنزل من الكبري ادخل اول دخله يمين بعدين ثاني دخله يمين وبعدين يجيك جامع ادخل بعده يسار تجيك الورشه في وجهك وللامانه الرجال حذرني وقال ترى مايمدحون اسلوب راعي الورشه في التعامل وقطعهم صارت كلها صينيه ومن الصيني الردئ بعد

دخلت الورشه لقيت احد الاخوان الظاهر انه من دولة الكويت سالته وين صاحب الورشه قال العامل يقول شوي وبيجي رحت اخلص لي شغله عند الحداد ورجعت دخلت الورشه وكنت واقف عند سياره واشوف رجال قبالي ماكان موجود يوم اجي المره الاولى قاللي بالحرف ( وش عندك ) عرفت انه راعي الورشه لكن استغربت من الاسلوب قربت منه ومعي الكتالوج حقهم قلت انا بركب بطاريه اضافيه ومحول ولمبات كبوت واحتمال اركب ماطور هواء بس بغيت استفسر عن القطع اللي تركبونها وش صناعتها نظر لي نظرة استغراب وقال ( القطع ! تسال عن القطع ؟ ) قلت انا ايه بعرف وش صناعتها ؟ ( قال انت يوم انك تسال عن القطع تعرف لها ؟ ) قلت انا ايه اعرف لها ( قال لا بس بعرف انت تفهم بالقطع ولا بس جاي مسوي فاهم ؟ ) قلت ايه اعرف لها وانا ماجيت ادقق وراك لكن من حقي اعرف وش بتحط بموتري وانا رجال بدفع فلوس على هالقطع ومن حقي اسال قال ( من حقك تسأل ؟ تبين اعلمك انا وش احط ؟ ) قلت ايه مو تقول من حقي اسال جاوبني ( قال ايه من حقك تسال ومن حقي بعد ما اجاوبك !!! ) قلت ادفع فلوس وتشتغل بسيارتي ولا تبين اعرف وش تركب به قال ( تعال شف القطع دامك تعرف تعال تعال ...) رحت معه لغرفة المعدات قال ( وش تبي تعرف ؟) قلت المحول قال ( شف هذا كرتونه اقره ) اشوف الكرتون فاضي ومافيه المحول قلت المحول ماهو فيه علشان اشوفه قال بلهجة استهتار ( اقرا الكرتون مو تقول تعرف تقرا ؟ اقره وتعال اقرى شف هاذي الاسلاك اقراها وهاذي الكتاوت تعال اقراها وهاذي المسامير بعد اقراها ) حطيت الكرتون من يدي وقلت له تستهتر انت ؟ قال ( قال ايه استهتر واستهتر 10 مرات بعد ....... ) بعدها صار كلام قدركم وقدر المنتدى ارفع من اني اذكره .


والشهاده لله اني لم اتقول على لسانه اي كلام وان ماقلته هو ماحصل بالظبط وانا لا اكن لهم اي حسد او حقد ابدا وانا اتمنى ان اجد من يناقض كلامي حتى لا اتهم الرجل ولكن هذا ماحصل لي وكلام صاحبي عن سوء تعامل صاحب الورشه طلع صحيح 100% ولا اعلم عن القطع لكن هم يستخدمون بطارية باقادر مقاس 90 والمحول تايواني نسيت اسم شركته واشوف الغطاء البلاستيكي الواقي لاصابع البطاريه عليه كتابة سوافي فالظاهر ان الرجال له مصنع هناك بالصين او ماشابه.

والمشكله لا تتعدى انك راح تركب عنده القطع وتمشي لو احتجت لصيانه او تعديل او اي شي اعتقادي انك سوف تعاني المر لانك ستتعامل مع هذا الرجل مباشرة ومن هذا رده على زبون جديد يريد ان يدفع له فكيف سيكون تعامله مع من دفع وانتهى ؟!؟!؟؟

نقلت لكم هذه التجربه لنناقش قضية تسلط اصحاب العلامات التجاريه والخدمه الدريئه وانعدام خدمات مابعد البيع عند كثير منهم سواء سوافي او بادحمان وكيل بريموس او عبداللطيف جميل وتلاعبه وغيرهم من الوكلاء .

انتظر ردودكم وتعليقاتكم وتجاربكم

xتحياتي لكم واعتذر عن الاطاله ...

التعديل الأخير تم بواسطة : راعي الهـــدد بتاريخ 2011-01-24 الساعة 11:08 PM
خيال الشقراء غير متواجد حالياً   رد مع اقتباس
قديم 2010-11-28, 07:13 PM   #2
الحياة كلمة
مشرف سابق
وعضو فخري
 
الصورة الرمزية الحياة كلمة
 
تاريخ التسجيل: Feb 2008
الدولة: السعــوديــة / نـــجــــد
المشاركات: 6,539
قـائـمـة الأوسـمـة
افتراضي

بارك الله فيك يالغالي والله يرفع قدرك

للاسف بعض الورش التي اخذت اكبر من حجمها في الدعاية
اصبح تورد اردى الصناعات للبحث عن اكبر مكسب يمكنة

عزيزي : اذا اردت تركيب بطارية احتياطية اعرف لك شخص سعودي فني كهربائي مبدع ماشاء الله عليه
ويركب لك افضل القطع وفوق هذا كله ضمان سنة للبطارية وخمس سنوات لباقي الشغل

والمحول تجيبة من عندك ولدية كذلك تركيب لمبات

والحقيقة شفت شغلة في اكثر من سياره افضل من شغل سوافي وشغل ذمة

الرجل هذا موجود في بلدة اشيقر واذا بغيتة ارسلت لك رقمة تاخذ من راسة

والله يوفقنا وياك وكل مسلم
__________________
..
.
.
.



الحياة كلمة غير متواجد حالياً   رد مع اقتباس
قديم 2010-11-28, 07:25 PM   #3
خيال الشقراء
عضو نشيط
 
الصورة الرمزية خيال الشقراء
 
تاريخ التسجيل: Oct 2010
المشاركات: 115
افتراضي

تحياتي لك اخوي

ويشرفني مرورك وتعليقك

وياليت لو ترسلي رقم الرجال ع الخاص اكون لك من الشاكرين ولاهنت اخوي
خيال الشقراء غير متواجد حالياً   رد مع اقتباس
قديم 2010-11-28, 07:41 PM   #4
فاقد
عضو نشيط
 
الصورة الرمزية فاقد
 
تاريخ التسجيل: Jul 2010
الدولة: الرياض وبالاجازات في الشماسية
المشاركات: 88
افتراضي

الله يعينك ويسهل امورك....

انا ماكد جيت ورشة سوافي لاكن اشوفه ومتاكد منه و ابصم عليه بالعشره ان سعره غالي مررررره.
فاقد غير متواجد حالياً   رد مع اقتباس
قديم 2010-11-28, 07:53 PM   #5
الحياة كلمة
مشرف سابق
وعضو فخري
 
الصورة الرمزية الحياة كلمة
 
تاريخ التسجيل: Feb 2008
الدولة: السعــوديــة / نـــجــــد
المشاركات: 6,539
قـائـمـة الأوسـمـة
افتراضي

اقتباس
مشاهدة المشاركة المشاركة الأصلية كتبت بواسطة خيال الشقراء
تحياتي لك اخوي

ويشرفني مرورك وتعليقك

وياليت لو ترسلي رقم الرجال ع الخاص اكون لك من الشاكرين ولاهنت اخوي

تم الارسال ..

موفق

__________________
..
.
.
.



الحياة كلمة غير متواجد حالياً   رد مع اقتباس
قديم 2010-11-28, 10:31 PM   #6
خيال الشقراء
عضو نشيط
 
الصورة الرمزية خيال الشقراء
 
تاريخ التسجيل: Oct 2010
المشاركات: 115
افتراضي

بالنسبه للاسعار

البطاريه الاضافيه =800 ريال
محول 220 = 500 ريال
لمبات الكبوت = 120 ريال
تسليك الكنود = الظاهر انها 80 ريال

هاذي الاسعار اللي تحظرني وسامحنا ع القصور
خيال الشقراء غير متواجد حالياً   رد مع اقتباس
قديم 2010-11-29, 02:30 AM   #7
محنك
عضو نشيط
 
الصورة الرمزية محنك
 
تاريخ التسجيل: Oct 2008
المشاركات: 126
افتراضي




حسبنا الله ونعم الوكيل ...
محنك غير متواجد حالياً   رد مع اقتباس
قديم 2010-11-29, 04:05 AM   #8
ابوعزه
عضو نشيط
 
الصورة الرمزية ابوعزه
 
تاريخ التسجيل: Apr 2009
المشاركات: 42
افتراضي

كلامك صحيح ياخيال
اسلوبه بالتعامل مع الزباين ردئ جدا ويفكر انك جاي تسرق سرّ المهنه
وسعره مبالغ فيه ولاقيله زباين يدفعون بدون مايشوفون الشغل

ولله الحمد سيارتي اشتغلها بيدي و"مآ أحد ولد عالم"
لو تتعطل سيارتك بالبر لاسمح الله يكون عندك خلفيه .. وتجهيز السيارات كلها امور بسيطه

والله يوفق الجميع
ابوعزه غير متواجد حالياً   رد مع اقتباس
قديم 2010-11-29, 05:09 AM   #9
راعي الهـــدد
مؤسس المنتدى
 
الصورة الرمزية راعي الهـــدد
 
تاريخ التسجيل: Feb 2008
الدولة: فـيـ جوفـ آل مــعــمــِــر
المشاركات: 13,711
افتراضي

موضوع تحذيري قيم ويستحق التقييم



نعم كنا نوصي بسوافي ولكن الآن لا والف لا

اولاً /

الأخلاق زفت وهذا شي انا اشهد معك عليه ونالنا مانالك
وعادي عنده يسكر السماعه بوجهك واقولها هنا وقلتها له
الي مايقدر الرجال ماهو رجل بل حرمه


ثانياً /

سوافي او مايقال عنه مركز سوافي انحش عنه واسلاكه اخيس اسلاك
ولن اطيل بختصرها لك وهي بدهياً معروفة

سوافي يستخدم اسلاك المنازل الترا وشاكلتها
سؤال بسيط كيف ياسوافي تستخدم اسلاك حقت كهرباء منازل لتوصيل الأجهزة الكهربائية للسيارة .. ؟؟
ياخي هذا مستغفل العالم من جد وفوق هذا مايستحي ولايقدر
كهرباء السيارة لابد كهرباء قوي وتوصيل صح وتحمل للحرارة
فليس السلك بوسط جدار وعوازل حتى تركب اسلاك الترا حقت البيت

والموضوع يطول لو نشرح لك نوع النحاس الي لابد يركب بكهرباء وتوصيلات السيارة
وانه لابد يكون ناعم وكل ماكان ناعم وصافي كان اكثر سلامة وافضل في توصيل الكهرباء صح
واذا تبي النحاس الي صح ناعم وكثيف اضرب لك مثال بـ اشتراك السنيدي الجديد
ياشيخ لو تقوم به تريله قومتها به صافي وناعم جدا وكثيف

ولكن خذ هاذي عني عن ثقه من الربع شب موتر اخوه بسبت توصيلات وتجهيز سوافي
وهذا قريب قبل سنه تقريبا من اليوم شب الموتر ويالله لحقوا عليه وطفوه توها شابه حول البطارية والكبوت
بسبب توصيلات سوافي السيئة واتصلت بنفسي على صاحب ورشة سوافي وقلت له عن الحادثه قال ايه صارت
ولا صارت كثير بس بكذا موتر وحنا الآن تلافينا هالعيب قلت غيرت اسلاكك قال لا قلت طيب كيف تلافيته .. ؟؟؟

عموما الله يهديهم يارب وللأسف سوقنا كذا والرقابة ماش رقابة
يالربع من يعرف بوزارة التجارة احد يفكنا من هذا واشكاله ... ؟؟
وسؤال آخر كيف نقيم على مثل هذا دعوى حقوقية لحماية ارواح الناس وحماية اموالهم .. ؟؟

شكرا لك خيال الشقراء

تقبل محبتي وتقديري
__________________
//



//


الأحرار وأصحاب العزة والرجوله يحلقون عاليا


التعديل الأخير تم بواسطة : راعي الهـــدد بتاريخ 2010-11-29 الساعة 05:14 AM
راعي الهـــدد غير متواجد حالياً   رد مع اقتباس
قديم 2010-11-29, 06:44 AM   #10
سعود الحربي
عضو متمكن
 
الصورة الرمزية سعود الحربي
 
تاريخ التسجيل: Oct 2010
المشاركات: 223
افتراضي

من لا يقدر الرجال ماهو برجال خذها مني انا

ثانيا هذا تحصله ماهو وجه نعمه ولاقدر زباينه ولاقدر صنعته

شكرا على التحذير
و
__________________
سعود الحربي غير متواجد حالياً   رد مع اقتباس
رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

جميع الأوقات بتوقيت GMT +3. الساعة الآن 09:14 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd. Ads Organizer 3.0.3 by Analytics - Distance Education