زيارتي لقصر المصمك في العاصمة الرياض)
خدمة تطوعية ببريدة
عدد مرات النقر : 2,439
عدد  مرات الظهور : 4,602,359
خدمة تطوعية ببريدة
عدد مرات النقر : 2,810
عدد  مرات الظهور : 3,512,775

إستعادة كلمة المرور طلب كود التفعيل تفعيل العضويه اضفنا للمفضله ( تنبيه هــام جـداً ) باحث قوقل للبريـة

العودة   منتديات البرية > الـــعـــدد والأدوات والتجهيزات > منتدى السيارات وتجهيزاتها

تجربتي مع ورشة سوافي ...! ( تحذير تحذير ) ..

منتدى السيارات وتجهيزاتها


رد
 
أدوات الموضوع طرق مشاهدة الموضوع
قديم 2011-01-11, 04:15 PM   #121
Mr.MeSHari
عضو جديد
 
الصورة الرمزية Mr.MeSHari
 
تاريخ التسجيل: Apr 2009
المشاركات: 2
افتراضي

اخوي خيال شقراء وش صار على التقرير حق الرجال اللي في اوشيقر ،، ترانا ننتظر وانا اخوك
Mr.MeSHari غير متواجد حالياً   رد مع اقتباس
قديم 2011-01-21, 04:42 AM   #122
do7my
عضو جديد
 
الصورة الرمزية do7my
 
تاريخ التسجيل: Jan 2011
المشاركات: 4
افتراضي

السلام عليكم ورحمة الله وبركاته

يعطيكم العافيه ياشباب

انا متابع للمنتدى من زمان بس ماسجلت الا تالي لانه شدني الموضوع وبحكم اني متعمق في الشغله حبيت افيدكم




تجربتي بالتفصيل الممل:


في البدايه اشتغلت عند الدفع الرباعي اللي كان قدام برج الفيصليه في الرياض قبل لاتنبنى الفيصليه بالتحديد عام 1997 لأنه كنت شاري لاندكروزر 96
وكان تقريباً مافيه الا هو يشتغل شغلة البطاريه الأضافيه وكان اللي يشتغل واحد بريطاني شغال في ارامكو ومعه فلبيني وكان تقريبن اغلب شغله للشركات وللأجانب من بني جنسه لأن ماكان فيه احد يهتم بالبطاريه الأضافيه

كان الشغل عال العال وشغل متعوب عليه بصراحه لأن القطع الموجوده في السوق كلها اصليه لدرجة ان اللي شرا سيارتي لازال على نفس الشغل ماغير فيه سلك لين يومك صدق الشغل على قولتهم شغل خواجه لاكن للأسف سكر محله اللي في الرياض ونقل للشرقيه بعد ماشريت لاندكروزر موديل 2005 ورحت له في الشرقيه لاكن للأسف مالقيت لا الفلبيني ولا البريطاني ولا القطع اللي انا خابرها
فتوصلت بعد بحث لورشة سوافي كان الشغل عنده كويس لاكن لايقارن بشغل البريطاني بصراحه طبعاً ماكان يركب دقمه سوافي اول ما اشتغل كان يركب كتاوت امريكي او اللي يسمونه كتاوت بوري لا بأس به لاكان موب مثل الدقمه ولا يتحمل جهد عالي يضرب على طول مما اضطرني لتغييره يمكن 3 مرات

بعت اللاندكروزر العام الماضي وشريت جمس سييرا ورحت لسوافي الشغل لازال كما هو مع بعض التحسينات في الفنيشنق يعني الشكل النهائي لاكن تغيرت النفسيات على مايقولون فأنا ماعجبتني الدعوه ولا اشتغلت عنده

ذكروا لي كهربائي سعودي اسمه حمدان الحميدان في الزلفي محله تحقره فتحه وحده وصغيره لاكن مبدع الرجال بمعنى الكلمه وسهل الله علي واشتغلت عنده شغله لايعلى عليه بصراحه لافي الفنيشنق ولا في المواد ولا في التعامل الله يذكره بالخير
طبعاً انا تقريبن صرت خبير في الشغله مع كثر التعامل مع الورش وشغلة تركيب البطاريتين وطبعاً مع بعض الأعطال اللي واجهتني في بعض التوصيلات عرفت الشغله وفهمتها و اعتبرها الأن شغله تافهه ومافيها ذاك الأبداع يعني عشان العالم تستصعبها لاكن زي مايقولون ريالك يخدمك وعشان كذا اروح اركبها عند اللي متخصصين فيها

اشترى واحد من ربعي وزي مايقولون مثل اخوي لاندكروزر 2010 قبل شهرين بالتحديد وحب انه يركب بطاريه اضافيه بالملحقات طبعاً وكلني الشغله
انا طمرت لورشة رسام راعي اشيقر على طول لأني سمعت عنه من كذا شخص ويمدحون شغله وفعلاً الرجال شغله مرتب وحلو لاكن يعيبه الغلا شوي وما ألومه في الغلا لأنه تحكمه المواد اللي يركبها لاكن بوضح لكم الفروقات الحين بين الثلاثه هاذولي كلهم وانتم احكمو من بتركبون عنده:

المواد جميع المحلات الثلاثه ياخذونها من محل في شارع الريل أسمه سنا متخصص في توصيلات الهواتف والكهرباء والأسلاك وغيرها مادري عن الكلام الجديد اللي سمعته عن سوافي انه صار يستورد من الصين لأن اخر خبري به أوائل العام الماضي لاكن محل سنا مايبيع الا جمله وتكلف على الورش هاذولي
يعني لو رحت تبي منه 3 متر سلك 10 ملي مايبيعك يقول لك خذ اللفه بسعر 900 ريال مدري عاد كم فيها من متر لاكن لفه كبيييره
لو بغيت مشكبيات مايبيعك بالحبه يقول لك خذ كيسه فيها 100 مشكبيه بسعر 20 ريال

يعني لو حبيت تشتغل بيدك لسياره وحده راح تكلفك اذا تبغى مواد نضيفه فلذلك توجه للي يشتغلون في البطاريه الأضافيه احسن لك
ولاتتعب نفسك بالبحث لأني فريت الصناعيه والريل والغرابي كله ابي احد يبيع بنفس جودة المواد اللي عند سنا ومفرد موب جمله ماحصلت مافي الا سنا وبالجمله


نرجع للفرق بين الثلاثه بحكم اطلاعي على المواد اللي يركبونها كلهم وبحثي في المحلات وتسعيراتي للقطع قبل شهرين :
سوافي يركب البطاريه الأضافيه بدون علبة فيوزات 950 ريال والبطاريه اندونيسيه
رسام (راعي اشيقر) 900 ريال والبطاريه باقادر fp
راعي الزلفي 700 ريال إلى 650 ريال والبطاريه اندونيسيه لاكن افضل من اللي يركبها سوافي نوعيه ممتازه

افصل لكم الشغله بأسعار تقريبيه مع هامش الربح اللي ياخذونه الثلاثه
سوافي: 250 ريال بطاريه+دقمه 150 ريال+كرسي البطاريه50 ريال+تمديدات اسلاك ومشكبيات 100 ريال=550 ريال يعني يكون ماخذ 400ريال شغل يد

رسام: 350 ريال بطاريه+دقمه 150 ريال+كرسي البطاريه 50 ريال+تمديدات اسلاك ومشكبيات 100 ريال=650 ريال يكون ماخذ250 ريال شغل يد

حمدان (راعي الزلفي): 250 ريال بطاريه+دقمه 150 ريال+كرسي البطاريه 50 ريال+تمديدات اسلاك ومشكبيات 100 ريال=550 ريال يعني يكون ماخذ 150 ريال شغل يد

لمبة الكبوت:
سوافي120 ريال للمبه: لمبه تجاريه 10 ريال+اسلاك ومشكبيات 20 ريال+قاطع وقاعدته 15 ريال+علبة فيوزات ألزااااميه يركبها لك 20 ريال =65 ريال يعني ماخذ شغل يد 55 ريال
رسام 120 ريال للمبه: لمبه تجاريه 10 ريال+اسلاك ومشكبيات 20 ريال+ قاطع ألماني وقاعدته20 ريال+ علبة فيوزات إلزاميه يركبها لك 20 ريال=70 ريال يعني ماخذ شغل يد 50 ريال

حمدان(راعي الزلفي )متوفر عنده نوعين للمبه:

80 ريال للمبه: لمبه اوسرام اصليه15 ريال+اسلاك ومشكبيات 20 ريال+قاطع ألماني وقاعدته 20 ريال بدون علبة فيوزات=55 ريال يعني 25 ريال شغل يد
120 ريال للمبه: لمبة تويوتا اصليه حقت نورعالي لاندكروزر 97 بـ 30 ريال+اسلاك ومشكبيات 20 ريال +قاطع ألماني وقاعدته 20 ريال+20 ريال علبة فيوزات=90 ريال يعني ماخذ 30 ريال شغل يد


جميع الورش الثلاث يستخدمون الريكم (تغطية الأسلاك بالبلاستيك الحراري بدون شطرطون) وجميعهم يلحمون الأسلاك بلحام رصاص في النهايات (المشكبيات)

جميعهم يستخدمون سلك 10 ملي ومن نفس المصدر يشترونه اللي هو سنا لتوصيل البطارية الأضافيه

جميعهم يتسخدمون دقمة الجمس لتنضيم البطاريه الأضافيه وكلهم نفس الدقمه يستخدمون




الفرق اللي حسيته من الثلاثه وبأضرب مثال سلك الثلاجه
سوافي يمدد لك سلك الثلاجه بسعر 120 ريال ويستخدم سلك 5 ملي وكافي جداً للثلاجه لاكن النوعية رديئه نوعاً ما (العازل ضعيف)

رسام يمدد لك سلك الثلاجه بسعر 120 ريال ويستخدم سلك 10 ملي وبصراحه فوق استخدام الثلاجه ويكلف عليه مواد لاكنه في النهايه بيحمل سعرها على الزبون ، الثلاجه لاتستهلك الا 5 امبير وسلكها اللي يجي شد بلد معها 3 ملي فأنا كزبون مانيب بحاجة سلك 10 ملي وفي النهاية انت بتحمل قيمته على ضهري ياراعي الورشه

حمدان يركب سلك الثلاجه بسعر 120 ريال ويستخدم سلك 5 ملي وجودته عاليه وهو نفسه اللي نصحني استخدم سلك 5 ملي ويركب لك فاصل في الطبلون وكتاوت عشان مايحمل زياده على الفاصل ويعطي ثبات للكهراء وقال لي اذا تبي سلك 10 ملي اركب لك بـ 140 بنفس الطريقه فاصل وكتاوت ماعندي مشكله في النهايه انت اللي بتدفع لاكن انت موب بحاجته


يعجبني في راعي الزلفي شفافيته واسعاره اكثر من ممتازه وتعامله راااائع وفي الموعد يخلص شغلك والشخص اصلن فني متخصص كهرباء سيارات وعنده شهاده من المعهد الملكي ويشتغل شغلات ثانيه كهربائيه غير البطاريه الأضافيه زي مثبت السرعه وغيرها بينما سوافي ورسام بس شغل بطاريه اضافيه وماطور ومحول يعني الشغلات المعروفه

رسام يضيف لك اشياء زياده ويحملها على ضهر الزبون والزبون موب بحاجتها اصلن وتعيبه المقارنات يعني يقول لك شف السلك هاذا مايركبه الورشه الفلانيه والفاصل هاذا مايحطه فلان وكذا بالعربي يحسسك انه مخترع نظام البطاريه الأضافيه باسلاكه وكل شي وهو مصدرهم كلهم في المواد واحد اللي هو محل سنا خخخخخ يعني الغشيم بيروح فيها عنده بصراحه يعني تعامله شوي ماعجبني والناس ترا قناعات ونفسيات انا احكم على نفسي وتجربتي
وغير كذا الرجال هاوي وممارس وليس متخصص مثل راعي الزلفي

سوافي بعد ماكسب شهره صار يرى في نفسه انه الوحيد وصار يتضرب في الناس مايدري ان الناس صارت تعرف كل شي وتقرى وتطلع في النت وغيره وتعرف وش الزين ووش الشين يعني زي ماصار مع اخوي كاتب الموضوع



في نهاية الموضوع نرجع لموتر خويي الاندكروزر 2010 والحمد لله استقر الراي على التركيب عند حمدان اللي بالزلفي بعد مارفض رسام يركب لنا محول البطاريه الأضافيه اللي من رفيق الدرب وعذره أنه جهاز صيني وانا ماودي اخرب سمعتي على حساب جهاز مادري وشو يعني العذر ماعجبني حتى رفض ان يرى محتوياته وتكويناته ولو جينا للواقع اصلن موب مكسبه مثل ماتكسبه الدقمه والشغل القديم

توجهت لحمدان في الزلفي وأصريت عليه انه يفتح الجهاز ويشوف اذا كان ذو جوده واعتماديه عاليه والا لا بحكم انه انسان متخصص ودارس الكهرباء وفعلن فك الجهاز واشاد بجودت صناعته رغم انها صينيه وتكلل الفحص بعد تركيب الجهاز وعمل الأختبارات الازمه عليه وتبين انه ذو كفائه اعلى بكثير من الدقمه بعد ما جلست عنده السياره 3 ايام لعمل كافة الأختبارات الازمه وراح اوضح لكم فرق واحد:
الدقمه في احسن حالاتها ماتطلع لك الا 50 أمبير لشحن البطاريه الأضافيه اذا كانت البطارية الأضافية فارغه تماما وتستمر على نفس الجهد حتى أذا كانت البطاريه الأضافيه مليانه مما يقلل من عمر البطاريه
في حين ان منضم رفيق الدرب في حال كون البطارية الأضافيه فااارغه يصل إلى 150 أمبير يعني شحن أسرع ثم يقل تدريجياً اذا امتلت البطاريه إلى ان يصل إلى 3 أمبير في بعض الحالات واذا تم تعبئة البطاريه الأضافية تماماّ فإن الشحن يفصل

انصحكم بمنظم رفيق الدرب لأنه يحمل ميزات كثيره جداً وبإذن الله اذا كان لدي وقت سوف اضع موضوع متكامل عن ميزات منضم رفيق الدرب



في نهاية الموضوع اللي ركب عند سوافي لايضيق صدره ويقول والله بروح اشيل شغله كله وأشتغل من جديد الأسلاك ماعمرها تخرب مجرد انها تملّح أطرافها ألزم ماعليك انك تحكها وتنضفها وبس
وأن خرب عندك شي فالمشاكل المتوقعه فهي يامن الدقمه وأنصحك تغيرها حتى لو انها ماخربت بمنضم رفيق الدرب لأنه فيه مميزات افضل بمرااااحل من الدقمه أو يخرب عندك مشكبيه تكون توسعت او سلك مالحم زين في المشكبيه وياقل ماتحصل هاذي انت بس مجرد انك تفحص السلك عند اقرب كهربائي راح يصلحه لك
او لمبة كبوت محترقه بحكم انها تجاريه ركب اوسرام اصليه تلقاها في محلات الزينه وركبها عند اقرب كهربائي
اما مسألت انك تغير شغلك كله وهو مافيه شي حرااااااااام دافع فيه فلوس انت دامه سالك معك ومافيه أي مشكله خله ومافيه شي يدوم بدون مايخرب ترا


أتمنى اني افدتكم بتجربتي وأي سؤال أنا حاضر وأي نقد اتقبله بصدر رحب
do7my غير متواجد حالياً   رد مع اقتباس
قديم 2011-01-24, 08:17 PM   #123
عصاقيل الدخله
عضو جديد
 
الصورة الرمزية عصاقيل الدخله
 
تاريخ التسجيل: Jan 2011
الدولة: الرياض // الاجازات - بــــــريـــــدهـ
المشاركات: 28
افتراضي

صراحه شدني الموضوع يوم قريته وانا كنت اسمع عن ورشة السوافي ولم اتعامل معها بس من كلام الناس فيه اللي يمدح واللي يسب علشان كذا لا استطيع ان احكم من طرف واحد والبديل موجود على قولتهم ما بهلبلد غير هالولد

ورحت اليوم المغرب لورشة احمد الفالح صراحه رجال والنعم فيه قمه في التعامل وحسن الاستقبال وبتحمله لكثرة الاسئله عن كل شي

طبعاً الرجال ال مره اشوفه واتكلم معه يعني لا تربطني فيه علاقه نهائياً ولكن من باب احقاق الحق وان نقول للمحسن احسنت وللمسيئ اسئت

طبعاً الاسعار

600 للبطاريه نوع كوري 100 انبير
380 لماطور ابو جمل
40 لكل لمبه
130 قاعدة كنود
طبعاً الاسعار هذي من غير المكاسر على السريع

وصف الورشه / وانت جاي على الدائري الشرقي متجه جنوب يجيك مخرج 15 لف يمين من عند اسواق المجد وخلك على الخدمه لين الاشاره لف يمين ثم امش لين تجيك مغسلة سيارات وبنشر في باب بينهن هذا هو باب الورشه لانها خلف المغسله والبنشر

ان شاء الله اني افدتكم ،،، تحيتي للجميع

رقم جواله موجود عندي اذا تسمح الاداره ممكن انزله للفائده
__________________


بعض البشر ودك تحطه بمخباك ،،، وكل ساعه تطلع خشمه وتحبه
وبعض البشر ودك تلخه بمسحات ،،، وترجع عليه كل دقيقه وتلخه
عصاقيل الدخله غير متواجد حالياً   رد مع اقتباس
قديم 2011-01-24, 09:22 PM   #124
ع الطيار
عضو جديد
 
الصورة الرمزية ع الطيار
 
تاريخ التسجيل: Sep 2010
المشاركات: 2
افتراضي

جزاك الله خير على التوضيح اخوي

والحمدالله انك افتكيت منة

لكن فية واحد من الشباب با الرياض وتحديدا با السلي

ركبت عنده لمبتين كبوت ولمبة خلفية وبطارية اضافية لا وبعد حول الولاعة الاساسية والاضافية على البطارية الاضافية كلفتني تقريبا 800

وقبل اربع تقريبا ركبت محول 600 واط وركب فيشين واحد قدام واحد خلف 450 ريال
ع الطيار غير متواجد حالياً   رد مع اقتباس
قديم 2011-01-25, 02:10 PM   #125
عبدالله بن عيد
عضو فضي
 
الصورة الرمزية عبدالله بن عيد
 
تاريخ التسجيل: Jan 2009
الدولة: بلاد . نـــجـــد . المتحدة
المشاركات: 398
افتراضي سوافي (خطر على سيارتك .. يمنع الاقتراب)

جزاكم الله خير على الموضوع المفيد والناصح ..
بالنسبه لسوافي انا ما عندي زود على اللي قالوه الشباب لكن من باب عرض التجربه (المريره)

انا في موتري (هايلوكس دفرنسين) شغلتين من عند سوافي :
1 - البطاريه الاضافيه + لمبة الكبوت + ولاعه اضافيه .
2 - ماطور هواء (كمبروسر على المكينه ) .

بالنسبه للبطاريه الاضافيه ركبها راعي موتري الأول وهو من ربعي القريبين مني واعرفه معرفه جيده وكان التركيب قبل اكثر من ثلاث سنوات وكانت ماشيه تمام خلال ثلاث سنوات ثم في السنه الماضيه ضعفت البطاريه الاضافيه ثم بعدها ضعفت البطاريه الاصليه فمثلاً لمبة الكبوت ثنتين اذا شغلت وحده (فقط) منها خلال خمس دقائق تضعف ضعف شديد فأضطر لتشغيل السياره عشان ترجع قوتها طبيعيه فتوقعت ان المشكله من البطاريه (انتهى عمرها) مباشره غيرت البطاريتين الاصليه خليتها (جولدن 55 امبير) والثانيه (هنكوك) طبعاً لمدة يوم واحد فقط استانست بالبطاريه ثم رجعت كأنها غير موجوده !؟ رجعت لصاحب البطاريات وما قصر غيرها من عنده بدون ما يلزمني اروح للوكيل عشان الضمان وقال لي المشكله 99% انها من عندك وليست من البطاريه ! طبعاً البطاريه الثانيه ضعفت بسرعه لانها ما شحنت اصلاً الا شي بسيط !
فـــرحت عند المدعو (سوافي ) فقال لي : المشكله من الكتاوت أو الدقمه فغيرها لي وقال (بما انه فاهم) انها ماتشحن البطاريه , فغيرت الكتاوت ولمبة كبوت محترقه , لكن المشكله استمرت والبطاريه الثانيه عيت تشحن فـرحت لوكيل هنكوك في الغرابي وغيرها على الضمان (ثالث بطاريه خلال اسبوعين!) وللأسف ان الكتاوت الجديد ما شحن حتى الجديده(الثالثه) فكان اذا شغلت الافياش داخل السياره لشحن الجوال او ما شابه يطلع صوت تصفير مزعج جداً من المحول علامةً على ان البطاريه لايوجد فيها شحن!
رجعت لصاحبنا (سوافي)وكنت في كل المرتين اللي اجيه فيها القى الاثنين اصحاب الورشه (ولا تسأل عن سوء الاستقبال في كل مره) وعرضت عليهم استمرار المشكله وقلت لهم هل احتمال تكون المشكله من الدينمو؟ فقالوا (بما انهم فاهمين) : ابداً الدينمو ما يضره وتوه جديد المشكله من المحول ولازم تغيره بجديد ! وفكوه من السياره (من تحت مرتبة الراكب) وقالوا كل المشاكل السابقه بسبب المحول يسبب صرفيه على البطاريه ! قلت طيب ابي اصلحه وين القى وكيله؟ فقالوا : ما يدرون لكن اي كهربائي يضبطه لك! وحنا (سوافي) نقدر نصلحه لكن ماعندنا وقت مزحومين .
فرحت فريت الغرابي والريل والكهربائيين الجيدين اللي اعرفهم ومحلات الالكترونيات حقين التلفزيونات وما لقيت احد يصلحه! فمليت وتركته على حاله بعدها بفتره ضعف تشغيل السياره وصارت دقمة السلف محترقه وكلفتني قرابة الـ900 ريال ثم بعدها بشهر صارت انوار السياره تضعف وكأن السياره بتطفا اذا وقفتها مشتغله شوي فلازم ادوس بنزين على طول فحصت الدينمو ولقيت (بويبيناته) محترقه فاضطريت اغيره بعد ما شافه اكثر من ثلاث كهربائيين وكلفني دينمو جديد اكثر من 1500 ريال وجميع الكهربائيين اللي شافوه قالوا السبب من البطاريه الاضافيه اللي عندك !

وطبعاً خساير وخساير (أكثر من1500 ريال دينمو+اكثر من900ريال دقمة السلف+ 3بطاريات+كتاوت من عند سوافي+....) وخراب للموتر ودوام في الصناعيه والسبب (سوافي) الله لايسامحهم
والا س/ هل فيه دينمو يخرب خلال ثلاث سنوات ونصف تقريباً!؟ (طبعاً موديل موتري 2006) ؟؟؟؟؟؟ !!!!!
-اترك الجواب لسوافي (بما انهم فاهمين:d)-

الشغله الثانيه (واسف على الاطاله) ماطور الهواء ..
في كل مره ينقطع سيره والسبب شغل سوافي وتركيبه السيء مع اني طلبت انه يفكه لي قال بـ 250ريال مع انه مركبه بـ900ريال ! قلت : فكه وفكني من شره وببيعه لك برخيص مع انه ما اشتغل الا كذا مره , فرفض يشتريه مني وقال : تبي افكه بـ250 ريال او توكل على الله !
مع انه من يوم كلمته في التلفون عرف من انا وقال انت صاحب الدفرنسين 2006؟ لاني ما ركبت الماطور على هايلوكس الا لك انت وانه يركبه على الجيوب عادة .. لكن (بما انه فاهم) هذي نتايج شغله.

هذي تجربتي المريره مع سوافي واصحابها واللي بياخذ العلم (لا يشتغل عندهم)

وآســــــف على الاطــــــالـــه
__________________

فـــــ رج اللـــــه عنـــــ ك يالغالـــــي
( سـلـطـان )
وعن الجميـــع
عبدالله بن عيد غير متواجد حالياً   رد مع اقتباس
قديم 2011-01-25, 02:24 PM   #126
راعي الهـــدد
مؤسس المنتدى
 
الصورة الرمزية راعي الهـــدد
 
تاريخ التسجيل: Feb 2008
الدولة: فـيـ جوفـ آل مــعــمــِــر
المشاركات: 13,711
افتراضي

عبدالله بن عيد

اشكر لك اضافتك لتجربتك مع تجهيز السيارات

وحسبنا الله وكفى

محبك ابوحمد
__________________
//



//


الأحرار وأصحاب العزة والرجوله يحلقون عاليا

راعي الهـــدد غير متواجد حالياً   رد مع اقتباس
قديم 2011-01-26, 09:00 PM   #127
المعرقب
عضو متمكن
 
الصورة الرمزية المعرقب
 
تاريخ التسجيل: Jan 2009
المشاركات: 211
افتراضي

سلام عليكم ورحمة الله وبركاته
بخصوص ورشة السوافي شريت شاص 2010 من عمان كان اول شاص 2010 في السعوديه
المهم رحت السوافي ويشهد الله علي اني مالقيت الى كل زين من ناحية التعامل وقالولي هذا اوال شاص 2010
يجي عندنا وبنخصملك في القيمه المهم ركبتها عندهم وخذتلي 20 يوم وخربت البطاريه مع المحول رجعت لهم
وصلحوها وخرب المحول مره ثانيه ورجعتلهم وقلت مايصير المهم قالي الشايب هذا الي عندنا عاجبك او توكل على الله قلتله ونعم الوكيل المهم بغيت ارفعبه شوي لكن ردوني الناس عنه شايب وعيب قلت الشرهه موعليه
الشرهه على الي يجيه
المعرقب غير متواجد حالياً   رد مع اقتباس
قديم 2011-01-28, 09:30 PM   #128
اسد القفار
عضو جديد
 
الصورة الرمزية اسد القفار
 
تاريخ التسجيل: Apr 2010
المشاركات: 2
افتراضي

السلام عليكم اخواني الاعزاء

موضوع شيق واشاءك ومفيد في نفس الوقت

من متابعتي الان من الصفحه الاولى الى الصفحه 13

عندي كم سوال
انا مجرب شغل السوافي في جيب سفاري مدويل 2004
الي اعجبني فيه شغله اتقان في قص الافياش في الطبلون وتمديد مخفي الاسلاك من سلك قارمن الى سلك كنود الى محول الى انوار في الكبوت ونوار في الشنطه وافايش في الشنطه

طيب تقولون انه نكب بعض الاعضاء في احتراق سياراتهم وعطل في البطاريه

طيب ابي بديله ونفس شغله في قص الطبلون وتركيب الافياش وترهيم الاسلاك مخفيه


وشغل المنافس لابد منه في اي شغله في العالم

واكرر ابي مثل شغل السوافي

انتم تقولون انه ردي في القطع طيب هضموتو طريقته في ترهيم واخفاء الاسلاك وقص الطبلون وتركيب الافياش
ابي ورشه تشتغل مثله
ولكم جزيل الشكر وارجوا من الاعضاء الكرام حط اسم الورشه ووصف لها ورقم الاتصال على العام ماهو على الخاص
اسد القفار غير متواجد حالياً   رد مع اقتباس
قديم 2011-02-01, 06:44 AM   #129
ramisif
عضو جديد
 
الصورة الرمزية ramisif
 
تاريخ التسجيل: Oct 2009
المشاركات: 14
افتراضي

اقتباس
مشاهدة المشاركة المشاركة الأصلية كتبت بواسطة اسد القفار

طيب ابي بديله ونفس شغله في قص الطبلون وتركيب الافياش وترهيم الاسلاك مخفيه


وشغل المنافس لابد منه في اي شغله في العالم

واكرر ابي مثل شغل السوافي

انتم تقولون انه ردي في القطع طيب هضموتو طريقته في ترهيم واخفاء الاسلاك وقص الطبلون وتركيب الافياش
ابي ورشه تشتغل مثله
ولكم جزيل الشكر وارجوا من الاعضاء الكرام حط اسم الورشه ووصف لها ورقم الاتصال على العام ماهو على الخاص


عندك أبو سليمان المنديل في السلي جواله 0504472382

عندك محل في الربوة أو الروابي مأعرف موقعة بالضبط

فيه واحد سمعت عنه في الملز بس مأعرف له وسيلة إتصال

إذا مأعجبك أبو سليمان علمني أجيب عناوين اللي في الربوة والملز أو لو فيه غيرهم

أبو سليمان مشتغل عنده لسيارتين باترول وشفر أفلانش

يركبأجود أنواع ممتازة من الأفياش والأسلاك واللمبات وفواصل اللمبات وتمديد مخفي ومحول كهرب وثلاجات ويركب لك قواعد لهن

ولا أقولك أتصل عليه وخذ من راسه
ramisif غير متواجد حالياً   رد مع اقتباس
قديم 2011-03-13, 03:37 PM   #130
عبادي العامري
عضو جديد
 
الصورة الرمزية عبادي العامري
 
تاريخ التسجيل: Jan 2011
المشاركات: 17
افتراضي

انا شخصيا تعاملت مع الرجل في تركيب قلص وتوصيل الكهرباء
الرجل شايف نفسه حبتين وحتا عماله الهنود سيئين مثله
واسعاره نار
فيه كهربائي سعودي يشتغل بنفسه بالرياض اسمه ابو سليمان قمة الاخلاق والادب والرجل صادق ولا ينصحك الا بالاصلي
متخصص في ترهيمات الكهرباء
عبادي العامري غير متواجد حالياً   رد مع اقتباس
رد


الذين يشاهدون محتوى الموضوع الآن : 8 ( الأعضاء 0 والزوار 8)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

جميع الأوقات بتوقيت GMT +3. الساعة الآن 07:01 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd. Ads Organizer 3.0.3 by Analytics - Distance Education