مشكور ... كفيت ووفيت والله يرحمهم جميع .. وموضوعك متميز جدا ...
خيال الصبحا : الشك زايل ولا تخاف الامور بسيطه بالنيابه عن خوينا ..

__________________

يعطيك الف عافيه
ومشكوووووووووور وماقصرت وبيض الله وجهك

__________________

اللهم اغفر له وارحمه ...... من وجهه شايف السماحة والفهامه رحمه الله ..... تكفى ياتراحيب واصل عن والدك النقل قصص رجال ماتنمل منها ...... وماشاء الله اشوف موضوعك تفهرس في قوقل على طول ..... الآن بحثت قال من قبل 6 ساعات تم فهرسته في قوقل ...... يعني من اول مانزلت الموضوع وهو متفهرس ..... نشكر البرية على هذه الجهود في فهرست مواضيع الأعضاء في قوقل مباشرة .....

صورة من قوقل ........ وشوف الي معلم عليه بالأحمر .... ابو عيسى

__________________

رحمه الله وغفر له محيسن العاكور سمعنا عنه كثير وذكره طيب

ولكن الروايات الي عنه والتعاليم لابد تطرح وفي اسرع وقت

لأن مايبقى للواحد عقب موته الا مثل كذا

ووالله اني منشد معك واقول ياليته مايوقف الموضوع

اخوك البدو

__________________

الله يرحم الصقار محيسن العاكور
قصه رائعه ياتراحيب ولا تكفينا منك عطنا غيرها
مشكووووووووور وماقصرت

__________________

والله صعب جدا الواحد يشوف هال اللحوات الغانمه ولايرد صعب صعب


الغالي عناز


ومن قال سلم .... حاضرين ياعناز ابشر



الغالي ابن كليب


وماعليك زود ياالذيب والله .... سلمت



الغالي ابو حمد

قريه مجيرمه موجوده من قبل وهي قريه ساحليه ولكن اكتشف شبك الطيور هناك من قبل الملك خالد


وبواسطه خويه محيسن العاكور كان اول طاروح يشبك طير في تلك المنطقه


حقيقه يابو حمد لااعرف بضبط من هم ولا اي القبائل ولم يصرح جدي رحمه الله بذلك الامر سوى


لفظ ( اهل الساحل )


الغالي بن عيد


جزاك الله خير ... وسلمت


ايوالله بسيطه .... وانت تمون ياعبيد



الغالي نايف الخالدي


ووجهك ابيض



الغالي راكد


تامر امر وحاضرين خلك متابعنا



الغالي البدو


جزاك الله خير وابد خلك قريب وقصص مشوقه لاهل الطير والبندق



الغالي وقاد


ابشر تامر امر

( من كثر

مانسمع في الراديو وغارت طائرات الالمان ورجعت طائرات الالمان من كثرها )


هذا دليل انه اكتشاف مجيرمه حدث في اوقات الحرب العالميه


الله عليك اتراحيب واصل ونحن نتابع بشغف لا امل مع سماع تلك القصص ولو اني سمعتها وشكرا

تسلم يالغالي على النقل

اتحفنى بباقي القصص

__________________

محيسن العاكور في باكستان في منزل الحاج رمضان تاجر الصقور المشهور ( كراتشي )





دهام ...... والذيب


يقول محيسن ...


كنا قانصين شمال المملكه وكانت الارض غر والحباري واجد وفضل من رب رحيم


والامير خالد معه طيور وحوش شي قرانيس وفروخ طرحنا وايضا بعض البيتيات الفاعلات فعل ناهي


ومن ضمنها طير اسمه ( ادهام ) فرخ حمر سبوق ناهي وازين مافيه ان اسرع طيورنا طلب


مايفرع عنه زين الا هو مطلب


هدينا النهار كله والامير استانس على الهداد يوم جاء العصر كن في خاطري ان (دهام ) ماخذ

ماخذ نصيبه زين في الهداد بحكم كثره طيورنا طلبت من الامير خالد يوم اقبلنا على اخوينا اني انزل

انا والطير على رجلي اتقنص والوجه عليكم نزلت من الموتر ولا معي خير الخرج الي اعزل الطير

ابه ودسي تقصصت الارض ولا هي جرايرها حايست القاع حوس قمت وكتفت طيري خوف عليه وانا

رجلي ( كتف الطير طريقه قديمه اخذ الموس والنايفه من كل جناح وربطها بخيط ) اخذت عنه واطلب

وقمت اتطلع مع الارض مع مطلب الدير ولا هو محول على ثلاث مكوبرات دبس المطرفه منها

وجيته اعدي ويوم اقبلت على طيري والله اذكر اني محول لاسكين ولاريشه احللبها من العجله

اخذ من الاعواد واحللبها حباري عزلت الطير ووجهت لحروه حباري يوم تدراجن ولا هاك الشجره الي

طرحها السيل على جنبها وجاي لراسها حرشه كبيره واخذ عن الطير واتقصص والله يوم تزين شوي

ثم هون واخذ وتزين ثم اطلب ولاهي من عوايده اقبل يم الهيشه ثم نشه وارتفع وكر بعيد وهو مكوش

ابن ابوي والله الخرب الداهيه ذليت يا اداهم دعيته ذليت لايخفخ ويبعد ولا والله يوم بان سبب تكويشه

الطير نقز هاك الامسح الذيب الى ماشافت عيني كبره والله العلم الاقشر برقعت طيري وربط سبقه

وجهت يم اخوياي لاني مسرع ولا امشي واستمريت في المشي وكل ما وقف وقف وقام يحاوف

الارض وانا ادعي ربي انه يفكني من شره ويسترني بستره الرحمن الرحيم وما دريت الا وهو موقف

من حاله وكاز اذانيه ورافع راسه يوم وجهتي لقطت حساس العرب وشم ريح نارهم وفكني الله منه

دخلت على اخوايا ونشدوني عن تاخري عليهم وعلمتهم بعلمي قال الامير خالد متى اخر عهدك ابه

قلت والله مارده عني غير الله ثم حساسكم وريح ناركم قال الامير خالد قريب مشينا نفك المسلمين

من شره الليل زيد دخل علينا وحنا على موتر الامير يوم نزلو يقصونه على انوار ولا هو تبارق عيونه

على النور طردناه بلموتر والله ياجماعه اني اسلوف عليكم وكني اسمع قرقعه نيبانه على الرفرف

قبل لا يرميه خالد الله يرحمه .


انتهى


مادري ياخوان مايناسبكم كتبتها هكذا ام تفضلونها بفصحى


امل ان تحوز على رضاكم

الله يبيض وجهك يا تراحيب

على اي طريقه تكتبها يجوز لنا

اشهد بالله انها سوالف يبست يدي عن الكتابه

ماغير اتحرى كل سالفه بعد الثانيه

رغم اني اعرف سوالف كثير وسمعت منها قبل لكن اسلوبك له طعم خاص

تابع جزاك الله خير

__________________