زيارتي لقصر المصمك في العاصمة الرياض)
خدمة تطوعية ببريدة
عدد مرات النقر : 2,048
عدد  مرات الظهور : 3,843,209
خدمة تطوعية ببريدة
عدد مرات النقر : 2,391
عدد  مرات الظهور : 2,753,625

إستعادة كلمة المرور طلب كود التفعيل تفعيل العضويه اضفنا للمفضله ( تنبيه هــام جـداً ) باحث قوقل للبريـة

العودة   منتديات البرية > الـصـــيـــد > منتدى الصـيـد بالـصـقــور > قسم النقاشات والخبراء

*** الصقارة و نظرة المجتمع *** صقار النزارة ***

قسم النقاشات والخبراء


رد
 
أدوات الموضوع طرق مشاهدة الموضوع
قديم 2010-05-03, 10:02 PM   #1
صقار النزارة
كـبـار الـكـتـاب
 
الصورة الرمزية صقار النزارة
 
تاريخ التسجيل: Apr 2009
الدولة: المملكة السعودية
المشاركات: 2,003
قـائـمـة الأوسـمـة
Unhappy *** الصقارة و نظرة المجتمع *** صقار النزارة ***

السلام عليكم

بصراحة هالموضوع

مشغلني و محيرني وحطني في مواقف محرجة

وسمعني كلام و كلام ....

ومهما حاولت ما راح يفهمني الا صقار

الصقارة و نظرة المجتمع

سواء في العمل و في مجتمع العائلة و في مجتمع الاصدقاء
v
v

اللي يعاين فيك ويقول يا الله لك الحمد .. !!!

واللي يقول حمدلله على نعمة العقل .. !!!

واللي يقول داااج .. !!!

واللي يقول راح عمرك وانت تطرد ورا الحنادي والحقبيات .. !!! << وهم يقصدون الصقور بس عشان يحبطوني نفسيا

واللي يقابلك بعد فترة ويسألك انت للحين على هبالك .. !!!

هذا كله كوم

وان الصقارة تكون سبب في عدم الثقة !!! ... كوم


وهذا لمسته من تعامل بعض الناس وخصوصا في العمل

بعد ما يدرون اني راعي طير وصقارة

لدرجة اني صرت احرص ان ما كل واحد يدري اني صقار .. للاسف !

وانا ماني مستحي باللي اسويه لانه ما هو حرام وتاريخ وهواية من اقدم الهوايات و اشرفها .

ولكن هذا المجتمع ومجبورين انا نسايرة ونتعايش معه

من موضوعي هذا

اتمنى من كل صقار طرح تجربته مع هذه المعاناه و المواقف

وكيف يواجه مثل هذه المواقف


والخلاصة ان نظرة المجتمع للصقار اصبحت قريبة من نظرته لمتعاطي المخدرات !

للاســـــف
__________________

صقار النزارة غير متواجد حالياً   رد مع اقتباس
قديم 2010-05-03, 10:19 PM   #2
ذيب العرمه5
عـــضـــو فـــــخـــري
 
الصورة الرمزية ذيب العرمه5
 
تاريخ التسجيل: Sep 2009
المشاركات: 4,222
قـائـمـة الأوسـمـة
افتراضي

اخوي
صقار النزاره
يكفي الصقار
ان نقله الطير
نــــومــــــــــــــــــاس
اما نظره المجتمع والناس
فالحمدالله ماسويت شي
يغضب الله
او ينقص مني شئ
لذلك فلا اهتم لكل سقيم
يعيبني بــ نظرته اوكلامه
وتقبل مروري
__________________
[CENTER][COLOR=#ff4400][IMG]http://www.up.albreah.com/uploads/images2/albreah-13e5636ce8.jpg[/IMG][/COLOR][/CENTER]

التعديل الأخير تم بواسطة : ذيب العرمه5 بتاريخ 2010-05-03 الساعة 10:31 PM السبب: غالط
ذيب العرمه5 غير متواجد حالياً   رد مع اقتباس
قديم 2010-05-03, 10:52 PM   #3
أبـو عـقـاب
عضو نشيط
 
الصورة الرمزية أبـو عـقـاب
 
تاريخ التسجيل: Aug 2009
المشاركات: 107
افتراضي

بسم الله الرحمن الرحيم

السلام عليكم ورحمة الله وبركاته

حياك الله صقار النزاره

كلامك ماهو معجبني ابد واسمحلي

اقرا هالابيات ورد لي خبر

هذا الولع لو قالوا الناس مبلي
....................................... وراعي الولع ماهوب عن الناس نشاد

ويقول ...

هذي هوايه يابعيد المراميع
....................................... حب الولع معلق بقلبي ولوعي

ويقول ...


هواي لا عديت راس المنيفه
....................................... والطير صايم وأخويايه شغاميم

ويقول ...


طرد الهوى مابه ملامه ولا عيب
....................................... ليا صار بحدود الشرف مايعيبي
ويقول ...


انا غرامي رفقة الطير والجيب
....................................... وشوف الحباري وقع ولا هريبي

ومد النظر في نايفات المراقيب
....................................... وقص الاثاري مع جناب الشعيبي

مع الرجال مكملين المواجيب
....................................... ما ارافق الا كل رجل نجيبي
أبـو عـقـاب غير متواجد حالياً   رد مع اقتباس
قديم 2010-05-03, 11:13 PM   #4
صقار النزارة
كـبـار الـكـتـاب
 
الصورة الرمزية صقار النزارة
 
تاريخ التسجيل: Apr 2009
الدولة: المملكة السعودية
المشاركات: 2,003
قـائـمـة الأوسـمـة
افتراضي

عاشق الطيب

الكلام اللي مو معجبك ما هو كلامي

حتى انا ما هو معجبني

انا هدفي من الموضوع كيف تواجه هالكلام

وما كل واحد بتقعد تقوله قصايد ....
__________________

صقار النزارة غير متواجد حالياً   رد مع اقتباس
قديم 2010-05-03, 11:38 PM   #5
شنقاري
عضو متمكن
 
الصورة الرمزية شنقاري
 
تاريخ التسجيل: Feb 2010
الدولة: الكويت
المشاركات: 322
افتراضي

السلام عليكم ورحمة الله وبركاته

اللي يقول هل كلام ياخوك ماذاق طعم اللي نذوقه

ماشاف الهدد والو ناسه وفلة الاحجاج

وخوة الرجال الطيبه مثلك وشرواك

ولو يعرفون هاذا شي والله مايقولون هل كلام

تقبل مروري
__________________
شنقاري غير متواجد حالياً   رد مع اقتباس
قديم 2010-05-03, 11:47 PM   #6
أبويزيد
عضو جديد
 
الصورة الرمزية أبويزيد
 
تاريخ التسجيل: Jul 2009
المشاركات: 15
افتراضي

الصيد بالصقور هواية الملوك هذا ردى عليهم
أبويزيد غير متواجد حالياً   رد مع اقتباس
قديم 2010-05-04, 12:02 AM   #7
ملاعب الطير
عــضــو تــمـيــز
 
الصورة الرمزية ملاعب الطير
 
تاريخ التسجيل: Sep 2009
الدولة: بنت القصيد آخت الجبال (حائل)
المشاركات: 620
قـائـمـة الأوسـمـة
افتراضي

آآخووووي صقار انت ماحكيت شي
وهذى فعلن يصير من ناس
لايفهمون معنى صقار ومعنى نقلة الطير
مايفهمون جنوون هدد الحبارى
مايفهمون ولف الطير للصقاره
مايفهمون أن الطير لاضاع لاسمح الله محد يسد بمكانه
مايفهمون شي غير انهم يشبهون الحر بالشبوط(الباشق) او الحقبي او غيره...!!!
مايفهمون وش يفهمون غير لا شي بصراحة والي يخليك تزعل على قوووووولتك هو ان لاجيت تناقشهم تحس نفسك تناقش ناس مو من الجزيرة العربيه
لجل كذى دايم نقول الصقاره ونقلة الطير مكسب لمعرفة الرجاجيل
وشكرً على موضوعك
تقبل مروري
آآخـــووووك
ملاعب الطير
__________________


آآآخـــــر مــــواضيعي
هديتي بدن + وبر = متعت الصيد عندي انا >>>>ملاعب الطير
ملاعب الطير غير متواجد حالياً   رد مع اقتباس
قديم 2010-05-04, 01:54 AM   #8
صقار الأسياح
مراسل البرية في الاسياح
 
الصورة الرمزية صقار الأسياح
 
تاريخ التسجيل: Mar 2009
المشاركات: 634
افتراضي

مرحبا اخوي صقار النزاره
موضوعك ممتاز كموضوع لا كن محتواه عكس لو انك خليته زي السوال وكل واحد يجيب نظرت مجتمعه انا شخصياً لا يوجد بديرتي صقار سواي ونظرت الديره لي نظرت العز والشموخ الى درجت ان اغلب الديره حتى كبار السن اذا حصلو جرة حبارى او حصلو طير بالبر يتصلون بي مباشرة وذا قمت ادعي يجون يتفرجون ويقولون ان حصلت حبارى او كروان علمنا بنتفرج معك ولا احد يرى عكس ذلك إلا ناس يعاندون من باب المزح ويكفي اذا وقفت عند محل او محطه لو كان بعيد وانت معك طير كل العالم تنظر له من باب العزه ونقاط التفتيش مره عسكري يوم اخذ ثباتاتنا قال عطوني ثبات الرجال اللي بينكم يقصد الطير من باب المزح
__________________
ديواني الشعري
نايف بن مياس الفريدي
صقار الاسياح
على هذا الرابط
http://www.alfredah.net/forum/threads/alfredah35810/
صقار الأسياح غير متواجد حالياً   رد مع اقتباس
قديم 2010-05-04, 02:33 AM   #9
عايض الدرعان
عضو متمكن
 
الصورة الرمزية عايض الدرعان
 
تاريخ التسجيل: Apr 2010
الدولة: السعوديه
المشاركات: 221
افتراضي

اخوي انا مع لكن الشخص الي يسالك هل هو انسان يفهم في الطيور او لا ثانيان الطير او هوايه المقنص ماتعيب الرجال بل ترفع من قدرهم بنسبه لي انا لا يوجد عم او اخ قريب لي يهواء الطير لكن اذا قرب المقنص وطلعت طيري من الربطه والله انهم يجتمعون عندي اذا كنت في المجلس وارجو انك ماطالع في الاشخاص لانهم ليس تعيب اوتانيب بكثر ماهو حقدلصحب الطيربالعكس يجب ان تفخربالهوايه هذي لانها عز
عايض الدرعان غير متواجد حالياً   رد مع اقتباس
قديم 2010-05-04, 06:02 AM   #10
روووح
 
الصورة الرمزية روووح
 
تاريخ التسجيل: Feb 2009
الدولة: شـقـراء
المشاركات: 1,864
افتراضي

اخوي صقار النزاره
موضوع شجاع وطرح جرئ

انا فاهم قصدك وعزالله انك صادق عندي وعندك خير
خاصه الواحد اول مايقني طير ويكون صغير سن...
مرنا من الكلام قوم وقعده
اللي يقول انت مصفي واللي يقول ضربت فيوزك ....واللي يقول هبال. واللي يقول انت مريض
ناس فاضيه وتصرح من عندها..... طبعا انا واجهت الكلام اول نقلتي للطير
بس ما كنت القي له بال....
اما المعارضات كانت تواجهني اولها من الشايب الله يطول عمره... كان رافض انقل طير
يقول يبي يلهيك عن الدراسه..<<--- اللي ما شفنا وراها خير
وكان الشايب 24 ساعه يحطمني ويستهبل علي انا عارف كلها علشان اعوف الطير واتركه
مرتن يدق علي من اخر الصمان يقول لقيت لي عصفور طيرك يذبحه والا لا.. ههههههههههه
بس في الصقاره حاجه تكفي عن كل شي......(معرفة الرجال)...... وسلامتك
__________________




يا مل قلبن كل ما مات همه ... دارت دواليب الدهر لين تحييه

فرّاق شمل الناس عيّا يلمه ... وقتن يشيب الراس من شاية فيه
روووح غير متواجد حالياً   رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

جميع الأوقات بتوقيت GMT +3. الساعة الآن 08:16 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd. Ads Organizer 3.0.3 by Analytics - Distance Education